न्या. सुरेंद्र तावडे, शिरीष देशपांडे यांची‌‘दिलखुलास'मध्ये विशेष मुलाखत

 

 

 

माहिती व जनसंपर्क महासंचालनालय निर्मित ‌‘दिलखुलास' कार्यक्रमात राष्ट्रीय ग्राहक दिनानिमित्त राज्य ग्राहक तक्रार निवारण आयोगाचे अध्यक्ष न्या. सुरेंद्र तावडे; तसेच मुंबई ग्राहक पंचायतीचे कार्याध्यक्ष शिरीष देशपांडे यांची विशेष मुलाखत प्रसारित होणार आहे. ही मुलाखत आकाशवाणीच्या सर्व केंद्रांवरून; तसेच न्यूज ऑन एआयआर या ॲपवरून सोमवारी (23), मंगळवारी (24), बुधवारी (25) आणि गुरुवारी (26 डिसेंबर) सकाळी 7.25 ते 7.40 या वेळेत प्रसारित होणार आहे. दरवर्षी 24 डिसेंबरला देशभरात राष्ट्रीय ग्राहक दिवस साजरा केला जातो. ग्राहकांच्या हक्कांचे संरक्षण होण्याच्या दृष्टीने शासनस्तरावर विशेष दक्षता घेण्यात येत आहे.

 

विकसित होणाऱ्या बाजारात बहुराष्ट्रीय कंपन्यांच्या आगमनामुळे जगातील सर्वंच देशांत नामांकित ब्रँडस्‌‍ सहजपणे उपलब्ध होत आहेत. अशा स्थितीत ग्राहकांची फसवणूक होऊ नये, यासाठी ग्राहक संरक्षण कायदाही लागू करण्यात आला आहे. ग्राहक संरक्षण कायदा, ग्राहकांचे अधिकार व संरक्षण, ग्राहकांची फसवणूक झाल्यास दाद कुठे व कशी मागावी, अशा विविध विषयांची या दिनानिमित्त विस्तृत माहिती राज्य ग्राहक तक्रार निवारण आयोगाचे अध्यक्ष न्या. तावडे व देशपांडे यांनी या कार्यक्रमातून दिली आहे. ज्येष्ठ निवेदिका शिबानी जोशी यांनी ही मुलाखत घेतली आहे.