तरी स्वधर्मु एक आहे । ताे सर्वथा त्याज्य नाेहे। मग तरिजेल काइ पाहें । कृपाळूपणें ।। (2.182)

 

 

 

 

आत्मतत्त्वाचे खरे स्वरूप अर्जुनाला श्रीकृष्णांनी समजावून सांगितले. या आत्मप्राप्तीची इच्छा विरक्त पुरुष वैराग्य धारण करून करतात. माेठेमाेठे मुनी ब्रह्मचर्यादि व्रते आजन्म आचरतात.आत्मस्वरूपाचे दर्शन झाल्यावर कित्येकजण संसाराचे भान विसरतात आत्मस्वरूपाची स्थिती गुरुमुखाने ऐकल्यावर काहींचे देहभान हारपते. ज्याप्रमाणे सर्व नद्या शेवटी समुद्राला जाऊन मिळतात, पुन्हा मागे परत वळत नाहीत, त्याप्रमाणे परमात्म्याचा शाेध घेणारे याेगी परमात्म्याशी एकरूप हाेतात. त्यांना पुन्हा जन्ममरणांची परंपरा असत नाही.असे आत्मज्ञानाचे स्वरूप समजावून सांगून श्रीकृष्ण अर्जुनाला म्हणतात की,‘अर्जुना, एकमात्र चैतन्य सर्व देहास व्यापून असते. शरीराचा घात झाला तरी ते नष्ट हाेत नाही. या चैतन्यामुळेच ही सृष्टी निर्माण हाेते व नाश पावते. मग तू शाेककशाचा करणार आहेस? अर्जुना, एवढी साधी गाेष्ट तुला कशी कळत नाही?