संतांचा सहवास । याहून भाग्य नाही दुसरे खास

 

 

 

बाह्य प्रपंच प्रारब्ध उपाधी।। त्यांसी त्रासू नये कधी। हीच जाणावी उघड समाधी ।। सावली मातीत पडली। तिला धुऊन नाही घेतली।। तसेच खरे आहे देहाचे। पण ते संतांनाच साधे ।। सर्व संकल्प वर्ज्य करून। अवस्था असावी बालकवृत्तिसमान।। सतत विवेक अखंड चित्ती।। रामनामी मनाेवृत्ति। हेचि तुम्हा परमप्राप्ति।। मारूनी खाेटी कल्पनावृत्ती।। रामनाम अखंड चित्ती। रामनामी धन संताेष शांति। देवासी सर्व करी अर्पण। करी स्वानंदयुक्त परमात्मचिंतन। हीच सिद्ध साधूची खूण।। वासना जाळून शुद्ध चित्त। अहंभाव साेडून हाेई निभ्रांत ।। आता मी रामाचा, राम माझा। हे जाणावे पूर्ण।। संतसहवास त्याला पाही। जाे देहबुद्धी टाकून राही।। संतास न पाहावे देहांत। आपण देहापरते हाेऊन पाहावे त्यास।। नामांत ठेवा प्रेम। हीच संताची खूण।। जे जे आपले संगती आले। संताने त्यांचे सार्थकच केले।। साधूने देह ठेवला।। तरी सत्तेने जागृत राहिला।। त्याची ठेवावी आठवण। सेवा करावी रात्रंदिन।। संतांचा सहवास। याहून भाग्य नाही दुसरे खास।। संतचरणी विश्वास। त्याने भगवंत जाेडला खास।। लक्ष ठेवावे संताकडे। देह लावावा प्रपंचाकडे ।। नाम घ्यावे श्वासाेच्छ्वास। संत संतुष्ट हाेईलखास।। सांगावे संतास नमस्कार। जाे जगताचा आधार ।।

 

संताच्या देहाची प्रारब्धगती संपली। काया आज दिसेनाशी झाली । परि अजरामर राहिली।। राम कर्ता हे जाणून चित्ती। जगात संत ऐसे वर्तती । जेणे दुसऱ्यास मार्गदर्शक हाेती।। संतांचे करावे अनुकरण। घ्यावे त्यांचे दर्शन। सांगावे आलाे आहे आपण। विचाराव्या कठीण वाटा। जेणे सुलभ हाेई व्यवहारी चालता।। रामापराता नाही लाभ। हे धरले ज्याने चित्ती।। त्यास लाभली खरी संतांची संगती।। रामापरते न मानावे हित। हे सर्व संतांचे मनाेगत।। त्यांचा आदर्श ठेवावा पुढे। कधी न हाेईल वाकडे।। स्वतःचे पावावे समाधान। त्याने लाेकांस आणण्याचा प्रयत्न करावा जाण।। संताशी व्हावे अनन्य शरण । दुसरीकडे जाण्याचे नाही कारण।। भाग्याने संत घरी आला। अभागी न मानी त्याला।। सूर्याचा प्रकाश झाला। आंधळ्याला उपयाेगी नाही आला। तैसी विषयी झाली ज्याची वृत्ती। संताची संगत त्याला न लाभती।। रामनामावाचून ज्याचा वेळ जात नाही । ताेच जीवन्मुक्त पाही।। देहाचे ठिकाणी विरक्त। विषयाचे ठिकाणी नसे अहंममत्व। त्यालाच म्हणतात मुक्त।। संताची सेवा केली। महद्भाग्य घरी आले।। एका परमात्म्याशिवाय नाही काेणास शरण। ताेच खरा धन्य धन्य।। संताचे मर्जीने वागल्यास। कल्याण हाेईल खास ।।